Sophie te vwayaje Washington pou pale ak otorite ameriken yo, ki di detansyon li a "enjis".

"Li pa fè anyen mal, li pa yon militan politik, li pa gen okenn afilyasyon militè... Li te jis nan move plas nan move moman," se sa sè a eksplike sou frè li, ki bloke nan yon sitiyasyon diplomatik konplike.

"Nou pa gen okenn prèv li vivan," sè a di ak kè sere. "Ni otorite fransè, ni otorite ameriken yo pa konnen kote Lucas ye."

Dapre sa fanmi li rakonte, ajan venezelyen yo te arete l 7 janvye sou fwontyè Kolonbi ak Venezyela pandan li tap vwayaje pou fè kaytsèf (Kitesurf).

Lucas Hunter pa t reyalize li te apwoche fwontyè a epi, lè li remake sa, li eseye fè bak pou li ale, men ajan fwontyè venezyelyen yo te travèse an Kolonbi pou arete l, daprè sa fanmi an ekri sou sit entènèt yo mete sou pye pou mande liberasyon li.

Yon jou aprè arestasyon li, li te voye yon mesaj pou di li espere yo libere l byento. "Epi depi lè sa, nou pa gen okenn nouvèl," Sophie esplike.

Semenn pase a, li aprann frè li sou yon lis kèk Ameriken Washington konsidere kòm "detni enjisteman" nan Venezyela.

Otorite Depatman Deta li te rankontre mèkredi "ap travay seryezman sou ka a," li di.

Lucas Hunter, ki travay nan finans nan Lond, te vize paske li gen yon paspò ameriken, daprè sa sè li kwè. Pou li, arestasyon sa a "politik".

Desizyon ameriken an pou mete fen nan lisans Chevron, ki dwe likide operasyon li yo nan peyi a anvan 3 avril, te prezante pa prezidan ameriken an, Donald Trump, kòm yon repons a rezilta eleksyon prezidansyèl nan mwa jiyè pase a, yo te konsidere kòm ilegal.

Venezyela "ouvè a tout envestisman etranje nan petwòl, gaz, petwochimi ak rafinaj," se sa prezidan Nicolas Maduro te fè konnen madi.

"Sa ki vle vini travay avèk nou, pòt la louvri, tapi wouj, n ap anbrase w ak anpil afeksyon," li te ajoute.

Malgre yo revoke lisans Chevron, Maduro te endike "tout jizman petwòl peyi a ap kontinye pwodwi," san bay plis detay.

Minis la, ki dekri M. Somaza kòm yon "teworis", pa bay plis detay sou arestasyon an ni sou rezon yo.
"Arestasyon an te fèt lakay li yè (mèkredi) pa kèk moun ki pa t gen okenn idantifikasyon", se sa M. Lopez te di pandan yon reyinyon vityèl jedi ak jounalis nan Venezyela.

Gen yon "trantèn" manm pati Voluntad Popular (VP) ki kounye a nan prizon, daprè sa M. Lopez ajoute.
Sou X, VP mande "liberasyon prese-prese" M. Somaza epi pibliye yon videyo kote sè li, Valeria Somaza, ap rakonte arestasyon an.

"Jiskaske rezilta ki 'bay opozisyon an laviktwa' antre an aplikasyon, li pa apwopriye pou nou patisipe nan eleksyon yo."

Se sa Machado te di nan yon videyo li poste sou rezo sosyal yo anvan eleksyon palmantè, minisipal ak eleksyon pou gouvènè yo.

Nicolas Maduro, ak sipò lame a ak yon administrasyon japwouv, te prete sèman nan mitan mwa janvye a pou yon twazyèm manda 6 zan nan yon seremoni rival li Edmundo Gonzalez Urrutia, ki ann egzil, te dekri kòm yon "koudeta".

Urrutia konsidere tèt li kòm prezidan eli, e li te mande lame a pou l "dezobeyi".

KARAKAS, Venezyela (AP) —An 2022, Mezon Blanch te bay Venezyela yon sous finansman “pou soutni retablisman demokrasi” apre Prezidan Nicolás Maduro te pwomèt pou l travay pou gen yon eleksyon prezidansyèl ouvè, epi li te akòde gwo konpayi ameriken Chevron yon pèmi pou pèmèt li pwodui ak ekspòte petwòl venezyelyen malgre sanksyon yo.

Eleksyon Maduro te pwomèt la pa t ni lib ni jis, epi li te prete sèman mwa sa a pou yon twazyèm manda 6 an, malgre prèv kredib ki montre opozan li te jwenn plis vwa pase li.

Men, sanksyon yo te retire yo toujou ap ede gouvènman an ranpli kès leta. Opozisyon Venezyelyen an di gouvènman Maduro a te fè milya dola nan ekspòtasyon pèmi sa a te rann posib, e li difisil pou gwo otorite ameriken yo eksplike poukisa pèmi an toujou an plas.

Plizyè peyi nan Amerik Latin te denonse samdi prestasyon sèman konteste Nicolas Maduro fè pou yon twazyèm manda kòm lidè Venezyela, e Brezil te eksprime "gwo enkyetid" li sou "vyolasyon dwa moun ki opozan pouvwa Karakas la."

Malgre gen dout sou eleksyon prezidansyèl mwa jiyè a, Maduro, ki sou pouvwa a depi 2013, te prete sèman vandredi pou yon nouvo manda sis lane. Kominote entènasyonal la an gran kantite te boude seremoni an.

Ansyen prezidan Kolonbyen Alvaro Uribe te mande samdi pou gen yon entèvansyon militè "pou chase" Maduro, pandan nan Karakas, patizan li yo te selebre envestiti li a ak yon gwo parad motosiklèt nan kapital la.

Ekwatè, Panama, Kosta Rika, ak Repiblik Dominikèn, ki fè pati Alyans pou Devlopman nan Demokrasi (ADD), te rejte "ak tout fòs zak ilegal envestiti a (...) ki se yon rezilta fwod elektoral ki enpoze ak laterè Leta kont pèp venezyelyen an," dapre yon kominike.

"Menm si nou rekonèt kèk jès relachman bò kote gouvènman Maduro a, tankou liberasyon 1,500 prizonye pandan dènye mwa yo, gouvènman peyi Brezil deplore dènye epizòd arestasyon, menas, ak pèsekisyon kont opozan politik" venezyelyen yo, dapre yon kominike ministè Afè etranjè brezilyen an.

"Enrique Marquez fè pati Kou Deta yo te vle fè nan Venezyela," Minis Enteryè Diosdado Cabello te deklare sou televizyon, pandan li ajoute Marquez te "lye ak FBI gringo a" — yon Ameriken yo pa bay non otorite yo di yo te arete tou — ansanm ak bòpè prensipal rival elektoral Maduro a, Edmundo Gonzalez Urrutia, ki reklame li te genyen eleksyon prezidansyèl jiyè a.

"Se volonté Bondye toupisan, se volonte pèp nou an ki fè m isit la," se sa Maduro di, pandan li pare pou kòmanse yon twazyèm manda youn apre youn lòt.

Palman an, kote pouvwa a gen yon majorite total paske opozisyon an te bòykote eleksyon lejislatif 2020, envite Maduro vandredi a midi (16:00 GMT) pou seremoni envestiti a devan depite yo.
Men opozisyon an, ki reklame viktwa nan eleksyon 28 jiyè, ap mande pou gen manifestasyon nasyonal jedi an favè "prezidan eli" Edmundo Gonzalez Urrutia pou eseye kraze prestasyon sèman an.
Pouvwa a reponn apèl sa a tou nan rasanble sipòtè li yo pandan li deplwaye fòs masiv nan Karakas.
Lame, polis, milis, ajan sèvis entèlijans, colectivos (paramilitè) ap sikile nan vil la pafwa ak mask, epi televizyon piblik la ap montre imaj fòs lòd yo regilyèman.

Prezidan Maduro lanse yon plan militè-polis nasyonal, pandan otorite yo deja fè yon deplwaman fòs sekirite masiv nan kapital la, Karakas. Plan sa a gen ladann "tout fòs ame yo, milis la ak tout fòs polis yo."
Minis enteryè a, Diosdado Cabello, pwomèt pou l kanpe an kanson fè: "Faschis! Teyoris! Si nou oze fè yon bagay, n ap fè w peye pou sa tout rès vi nou, paske n ap defann Palè a, men apre sa n ap mache pran w."

"Dapre konstitisyon an (...) mwen dwe pran wòl komandan an chèf" lame a 10 janvye, se sa ansyen anbasadè a, ki gen 75 lane, ki te reprezante opozisyon an pandan eleksyon prezidansyèl 28 jiyè a deklare.

Fòs lame a konsidere kòm yon potomitan pou pouvwa prezidan Maduro. Chèf lame a te fè sèman plizyè fwa "fidèlite" ak prezidan sosyalis la, malgre eleksyon li yo ki plen ak magouy selon opozisyon an e yon gwo pati nan kominote entènasyonal la pa rekonèt yo.

Lame a te patisipe aktivman nan represyon manifestasyon ki te swiv pwoklamasyon reyeleksyon Maduro pou yon twazyèm manda.

"Fòs lame nasyonal nou an dwe yon garanti pou souverènte ak respè volonte pèp la. Se devwa nou pou aji ak onè, merit ak konsyans (...) Li nesesè pou mete fen nan yon lidèchip ki vle defòme prensip fondamantal ak moral fòs lame nou an," li ajoute nan videyo sa a, ki te difize depi Washington, twazyèm etap nan yon vwayaj diplomatik apre Buenos Aires ak Montevideo.

"Se moman pou nou reyafime angajman nou anvè patri a. Apati 10 janvye, nou dwe aji ak detèminasyon ak inite pou pwoteje Venezyela nou an. Misyon nou se retabli souverènte popilè ki te manifeste nan vòt yo," li di.

Apèl sa a sòti sèlman kèk èdtan apre chèf opozisyon an, Maria Corina Machado, ankouraje pou manifeste jedi, jou anvan envestiti a.

M. Gonzalez dwe rive nan kèk èdtan nan Buenos Aires, sous la konfime pou AFP, san bay plis detay sou opozan an, ki te pwomèt pou l retounen nan peyi l pou "pran fonksyon li" 10 janvye kote Caracas fè konnen l ap ofri 100,000 dola pou arestasyon li.

M. Gonzalez Urrutia, ki nan egzil an Espay depi mwa septanm, e ki te pwomèt pou tounen nan peyi li pou "pran fonksyon li" 10 janvye a nan plas Nicolas Maduro, dwe rive nan kèk èdtan nan Buenos Aires, yon sous nan prezidans ajantinen te di AFP, san bay plis detay.