Marie Luce Pierre

Maladi COVID gen Chans Pou Vin Pi Mal Nan Kore di Nò

Yon gwo otorite nan òganizasyon mondyal lasante di Nasyonzini sipoze flanbe epidemi koronavirus nan Kore di Nò ap vin pi mal e li pa ameliore non plis tou malgre afimasyon sekrè Kore di Nò fè sa pa gen lontan kote li di COVID-19 la ap bese.

Shanghai, pi Gran vil la Chin, Pral Relouvri Apre yon Konfinman 2 Mwa

Otorite Shanghai yo di yo pral pran kèk etap enpotan jodi mekredi a pou relouvri pi gran vil chinwaz la apre yon konfinman 2 mwa akoz COVID-19; yon konfinman ki mete ekonomi nasyonal la o ralanti e ki fè plizyè milyon moun fèmen lakay yo pou pifò.

Manifestan Mande Plis Kontwol sou Zam a Fe Ozetazini

Marie Luce Pierre di nou, manifestan sa yo te rasanble devan lokal nan vil Houston, eta Texas, kote oganizasyon National Rife Association nan (Asosyasyon Nasyonal Zam a Fe) tap fe yon gwo rankont, kek jou selman apre yon tinedje louvri zam e touye 21 moun nan yon lekol prime nan eta Texas.

Nouvo Premye Minis Ostrali a Prete Sèman

Nouvo premye minis Ostrali a, prete sèman lendi anvan li pran avyon pou Japon kote li tal fè chita tande avek prezidan Etazini Joe Biden e ak lot lidè mondyal yo.

Kanada Gen Kè Sote pou Varyol Senj

Ajans sante publik Kanada pibliye yon kominike byen ta mèkredi swa pou fè konnen li konnen gen kèk ka Varyol Senj an Ewop e lap kontwole sitiyasyon an e li ajoute yo pako rapòte oken ka kounye a.

Ayisyèn Amerikèn Karine Jean-Pierre Fè Listwa Semèn Sa a Kom Premye Sekretè de Près Nwa Lamezonblanch

Ayisyèn Amerikèn Karine Jean-Pierre fè listwa semèn sa a kom premye sekretè de près nwa Lamezonblanch la. Marie Luce Pierre pral fè yon ti rale sou pakou madan Jean Pierre, ki se yon imigran fèt Matinik e ki gen paran Ayisyen.

Etazini ak Nasyonzini Kondane ak tout Fòs yo Asasina yon Jounalis Al Jazeera

Etazini ak Nasyonzini kondane ak tout fòs yo asasina yon jounalis Al Jazeera ki tap kouvri yon operasyon lame izrayelyenn te lanse nan Sis-Jòdani.

Wa Jodani an, Wa Abdala, Pral Rankontre ak Biden sou Dosye Lape, Vyolans nan Jerizalèm

Lidè Jòdani an, Wa Abdala, gen pou l rankontre ak Prezidan Joe Biden nan Washington vandredi nan moman tansyon ap monte ant Jòdani ak Izrayèl sou jesyon pati arab la nan Jerusalem la ak lye sen kretyen yo.

Ricardo Alarcon Mouri nan la Havann

Ricardo Alarcon ki te pandan plizyè lane te prezidan palman Kiben an e youn nan diplomat ki pi enfluyan nan Kiba mouri nan la Havanne dapre otorite kiben yo. Li te gen 84 an.

LONU gen Kè Sote pou Zak Vyolans Fanm ap Sibi nan Lagè Ikrèn nan

Rapò Nasyon-Zini : Koronaviris Lage 77 milyon Moun nan Mizè

Filadelfi Pase Lòd Pou Moun Mete Kach-Nen Menm Lakay yo

Filadelfi tounen premye gwo vil Ozetazini ki retabli lòd pou moun mete mask (kach nen) nan figi yo menm andedan lakay yo lendi pase a nan kad gwo ogmantasyon nan ka koronaviris nan zòn-nan.

Iran fè konnen li Enpoze Sanksyon Samdi kont 24 Ameriken

Iran fè konnen li enpoze sanksyon samdi kont 24 ameriken pami yo chef eta major lame a, George Casey e avoka ansyen prezidan Donald Trump Rudy Giuliani nan moman chita tande pou resisite akò nikleyè a bloke.

Pakistan Pare pou-l Vote kont Lidè Opozisyon Shehbaz Sharif kòm Mwochen Premye Minis

Pakistan pare pou-l vote kont lidè opozisyon an Shehbaz Sharif kòm pwochen premye minis peyi a jodi lendi a, yon jou apre ke premye minis sòtan an, Imran Khan te pèdi yon vòt non-konfyans. Se sa ki desann gouvenman kowalisyon ni an ki te sou pouvwa a depi preske 4 tran.

Dat pou Etidyan Rekoumanse Peye Dèt Yo Ap Prolonje Jiska 31 Out

Administrasyon Biden nan pare pou-l prolonje jiska 31 Out dat pou etidyan rekoumanse peye dèt yo te fè pou ale lekol.

Gouvènman PM Izrayèl la Pèdi Majorite nan Palman an

Premye minis Izrayelyen Naftali Bennett dwe fè fas ak yon gwo test pou kowalisyon li ki sou pouvwa a apre yon palmantè nan pati nasyonalis la kite koalisyon-an, sa ki kite gouvenman an san yon majorite nan palman an, pandan pako gen yon lane depi kowalisyon an te fòme.

Eleksyon Prezidansyel Costa Rica: Yon Ansyen Minis Finans Bat Ansyen Prezidan Peyi a

Yon ansyen minis finans nan Costa Rica kale youn nan ansyen prezidan peyi a nan yon dezyèm tou eleksyon prezidansyel ki dewoule dimanch ki sot pase a dapre rezilta preliminè ki soti nan vot la, sa ki pa fè elektè yo twò chofe.

Grand Bretay: Prèske 5 Milyon Moun Enfekte ak COVID

Grand Bretay ap fè eksperyans yon kantite rekò ka COVID-19 kote preske 5 milyon moun enfekte, kidonk youn sou chak 13 moun nan peyi a, daprè chif ofisyel yo.

Lakwa Rouj Di Gen Yon Kriz Sante Kap Boujonnen nan Ikrèn

Federasyon Entènasyonal Lakwa Rouj ak Kwasan Rouj bay avètisman pou di gen yon kriz sante kap boujonnen nan Ukrèn e ki sanble lap rete la menm lè konfli a fini.

Etazini: Sanksyon kont 21 Enstitisyon ak 13 Endividi ki Mele nan Sektè Teknoloji Larisi

Gouvènman ameriken an anonse sanksyon sou 21 enstitisyon ak 13 endividi ki ap travay nan sektè teknoloji Larisi e ki, dapre sa li di, te deja ap eskive sanksyon ki deja anplas yo, pou anpeche peyi a gen aksè ak teknoloji l'Oksidan pou izaj militè.