Yon lot fwa ankò Iran anpeche medam yo antre nan yon stab foutbòl pou yo gade yon match entènasyonal, kidonk plizyè santèn moun ki gen tikè pou match la rete deyò stad la, daprè sa laprès nan Iran rapòte mekredi 30 Mas la.
Ajans Nasyonzuni pou timoun fè konnen gen apeprè 2 milyon timoun ki kouri kite Ikrèn akoz lagè a e ke gen yon lot 2 milyon 500 mil ki kite lakay yo men ki rete nan peyi a.
Palman Pakistan an komanse lendi 28 mas la yon pwosesis vèt san-konfyans ki vize dechouke premye minis Imran Khan poutèt li ta swadizan mal dirije peyi a.
Filipin ak Etazini sot tanmen lendi 28 mas la pi gran egzesis militè yo ansanm depi ane 2015, sa ki souliye yon ale-mye nan relasyon defans yo apre ke Prezidan Rodrigo Duterte te redui kèk jwèt lagè pou pousuiv relasyon ki pi sere avek la Chin.
Òganizasyon Mondyal Lasante bay avètisman pou di Lit kont Tibekiloz la rive nan yon stad kritik.
Kantite ameriken ki aplike pou benefis chomaj semen pase a bese nan nivo ki pi ba li janm rive depi 52 zan nan moman mache travay la nan Etazuni kontinye montre fòs li nan mitan pri kap ogmante ak yon pandemi kowonaviris kap kontinye.
Prens William d'Anglete ak madanm ni Catherine Duches Cambridge la ap vizite La Jamayik, nan kad yon vire won yap fe nan Karayib la nan moman peyi nan rejyon an ap gade pi pre konpotman Monarchi Britanik la nan epok kolonyal la. Marie Luce Pierre gen detay pou VOA Kreyol.
Kou Siprèm Etazini an ap genyon nouvo jij anvan lontan. Men kijan pwosesis sa a dewoule e poukisa? Marie Luce Pierre gen detay.
Lekol pou tout elèv pral louvri semèn sa a . Daprè sa Ministè edikasyon Taliban ap dirije nan Afghanistan an anonse lendi 21 mas, e se premye fwa li bay siy klè konsa ke tifi yo pral jwenn pèmisyon pou yo tounen lekol.
Yon envestigatè Nasyonzuni lanse apèl pou mande yon fen nan izolman entènasyonal Kore du Nò a, li bay avètisman pou di izolman kap kontinye sa a pral prolonje violasyon dwazumen nan peyi a kap vin pi grav.
Kore di Nò lanse yon misil , e sanble li utilize yon systèm ki ka lanse plizyè rokèt dapre sa lame Kore du Sud rapòte dimanch ki sot pase a. Se denye nan yon seri tès misil Kore du No.
Kantite ameriken ki te aplike pou benefis chomaj semèn pase diminye pandan ke afè voye moun al chita lakay yo a kontinye ap bese nan yon mache travay ki rebondi avek fòs.
Mezon Blanch anonse jedi 17 mas la ke Kòwodonatè COVID-19 pou Joe Biden la, Jeff Zients ak kòwodonatè adjwen, Natalie Quilliam ap kite administrasyon an nan mwa k-ap vini an. Se Dr. Ashish Jha Dwayen Lekol Sante Publik Universite Brown nan ki pral ranplase yo.
Nasyonzini sot òganize yon konferans peyi donatè sou entenèt la ant eta manm li yo mekredi 16 mas la pou ranmase pou pi piti $4.2 milyon pou finanse ane sa a efò imanitè nan Yemen ke lagè fin ravaje.
Prezidan EtazIni Joe Biden pral vwayaje Brussel nan peyi Beljik nan semèn k-ap vini an kote li pral patisipe nan yon somè ekstwòdinè l”Otan ki fikse pou 24 Mas, yon mwa apre Larusi fin anvayi Ukrèn ki nan vwazinaj li.
Plis pase 2 milyon 800 mil moun deja kouri kite Ikrèn depi envasyon Larusi a te komanse daprè Nasyonzuni. Se egzòd refujye ki pi rapid depi 2 zyèm gè mondyal la daprè kèk ekspè.
Nan dat 11 Mas 2020, Oganizasyon Mondyal Lasante (OMS) te deklare COVID-19 se yon pandemi.
Depatman d'Eta fè konnen li peye plis pase $2 milyon pa mwa pou bay ansyen sekretè d'Eta Mike Pompeo avek yon otorite wo plase nan ekip li sekirite 24 sou 24, paske yo fè fas a menas grav ke moun ka kwè, ki soti bò kote Iran.
Pati ki ap eseye resisite akò nikleyè Iran an te lite mèkredi a pou rezoud ekzijans denye minit Ris yo, sa ki menase pou fè negosyasyon yo echwe daprè sa diplomat yo di. Pandansetan, Etazuni sanble pa gen volonte pou-l angaje-l avek Larisi sou kesyon an.
Vis Prezidan Etazini Kamala Harris apiye jodi jedi-a apèl kèk lidè mondyal lanse pou gen yon ankèt entènasyonal sou envazyon LaRisi nan Ikrèn nan ak bonbadman kont sivil, pami yo timoun ak fanm ansent nan yon lopital matènite.
Load more
