Dapre yon kominike ki parèt mèkredi 30 Mas la, UNICEF ak biwo wo komisarya Nasyonzuni pou Dwa Moun UNCHR timoun yo reprezante mwatye nan tout refijye ki soti nan lagè a nan Ikrèn. UNICEF rapote plis pase 1 milyon 100 mil timoun rive nan Poloy e ke plizyè santèn milye lot rive Woumani, Moldavi, Hongri, Slovaki ak nan republic Tchek.
UNCHR dokimante plis pase 100 timoun ki mouri nan konfli a ak 134 lòt timoun plis ki blese, malgre ajans la di vrè kantite a ka pi wo anpil.
Tou 2 ajans Nasyonzuni yo bay avètisman pou di timoun ki deplase yo ap kouri gwo risk pou yo viktim trafik ak eksplwatasyon. Pou chache diminye risk ke timoun yo ak jen moun yo ap konfwonte Unicef, UNCHR ak patnè nan gouvenman ak nan sosyete sivil ap laji sant ”Blue Dot” (Pwen Bleu) nan peyi ki resevwa refujye yo pami yo Woumani, Moldavi ak Slovaki.
Sant Blue Dot yo se espas san danje ki bay tout enfomasyon pou fanmiy kap vwayaje yo, ede idantifye timoun ki pa gen granmoun akonpaye yo ak lòt ki separe ak granmoun yo e asire proteksyon yo pou yo pa sibi eksplwatasyon, e sant sa yo sèvi kom fwaye pou fanmi yo ka gen aksè ak sevis esansyel yo.
