Premye Minis Britanik la, te vizite Kyev Samdi e li te mache nan lari a ansanm ak Prezidan Volodymyr Zelenskyy. Se te yon vizit sipriz, kote otorite inyon ewop la te pwomèt pou l bay Ikrèn machin blende ak misil.
Prezidan Komisyon Ewopeyen an, Ursula von der Leyen, anonse Samdi, ke entènasyonal la ranmase 10.1 milya ewo pou sipòte Ikrèn ki nan lagè a kont Larisi.
"Ikrèn pare pou batay. Ikrèn dwe genyen batay yo, ki gen ladan Donbass ", se deklarasyon sila konseye prezidansyèl Ikrenyen an, Mykhaïlo Podoliak te fè.
Akademi Sinema a ki oganize seremoni pri Oscar yo deside vandredi entèdi Will Smith patisipe nan nenpòt seremoni oswa evènman li pral òganize pandan 10 pwochen ane yo, kòm pinisyon pou kalòt li te bay komedyen Chris Rock lan.
Prezidan franse a Macron fè konnen ke Prezidan Ris la Putin chanje strateji paske peyi Larisi vle deklare la vitwa nan lagè l ap mennen nan Ikrèn lan .
Apre Washington ak Brussels, kounya se tou pa Wayòm Ini ki sanksyone Vandredi 2 pitit fi Prezidan Ris Vladimir Putin, ansanb ak pitit chef diplomasi ris la Sergei Lavrov poutèt envazyon Larisi nan Ikrèn.
Peyi Inyon Ewopeyèn deside bloke byen La Risi , apre yo te deja jele omwen 29.5 milya dola nan byen Ris ak Belarisyen kek semèn apre envzazyon an te kòmanse. Se Komisyon Ewopeyen an Vandredi ki anonse nouvel la.
Larisi te demanti akizasyon Kyiv fè kote yo di ke Larisi tire yon misil sou estasyon tren Kramatorsk la ki tiye plizyè sivil, pami yo te gen plizyè timoun.
Omwen 39 moun mouri nan atak misil sou yon estasyon tren nan Ikren. Pami moun ki mouri yo gen ladan 4 timoun. Stasyon an sitye nan Kramatorsk nan lès peyi Ikrèn, kote plizyè milye moun te evakye sa gen plizyè jou, dapre sa sèvis sekou yo deklare.
Kòmandman santral lame Ameriken an (Centcom) anonse ke 4 sòlda Ameriken blese Jedi nan yon atak ak wòkèt kont yon baz militè anti-jihadis ke yo genyen nan rejyon Deir Ezzor, ki sitiye nan nòdès peyi Siri.
Kyèv akize Ongri Jedi, dèske l ap "ede Putin" nan lagè a, e ke l ap travay kont inite ke peyi Inyon Ewopeyèn yo geneyen vizavi Larisi kote yo tout ap eseye sere boulon li avek gaz l ap vann yo.
Minis afè etranjè fransè a, Jean-Yves Le Drian, te konvoke Anbasadè Ris la ankò nan Pari jodi jedi a , apre yon tweet anbasad la te fè ke Lafrans konsidere kòm "endesan" sou zak ki te komèt nan vil Boutcha nan Ikrèn.
Chèf diplomasi Ikrenyen an Dmytro Kouleba mande jedi manm Òganizasyon Trete Nò Atlantik la pou bay li peyi li tout zam yo bezwen pou yo konbat fòs Larisi yo.
Jean-Pierre Clamadieu ki se prezidan jeyan enèji franse a Engie, avèti Jedi ke yon anbago sou enpòtasyon gaz Ris la ap gen yon enpak "masif" sou ekonomi peyi ewopeyen yo e patikilyèman afekte endistri a .
Peyi G7 yo te mande Jedi, sispansyon Larisi nan Konsèy Dwa Moun Nasyonzini an, nan yon deklarasyon yo tout te pibliye ansanm.
Nan yon deklarasyon Ministè Defans Ris la te bay laprès, li deklare pandan nwit Madi pou rive Mèkredi, yon atak aeryen Larisi te vize 24 sit militè Ikrenyen, ki gen ladann 5 depo ki gen ekiptman, zam etc.
Ministè Finans Ris la anonse Mèkredi ke li te regle yon dèt li te genyen an dola ak Roub apre bank etranje yo te refize kite li fè peman dèt li yo an dola.
Nan yon deklarasyon Minis Afè Etranjè grèk pibliye Mèkredi li di Lagrès pral mete deyò 12 diplomat Ris.
Gouvènman peyi Ongri konvoke anbasadè Ikrèn nan Mèkredi pou l pwoteste kont "ensilt" Kyiv fè sou pozisyon Budapest sou envazyon Ris la.
Tribinal militè Ouagadougou a kondane a vi tou lè twa moun yo di ki se otè entelektyèl asasinay ansyen Prezidan Burkina a Faso Thomas Sankara an 1987. Pami akize yo nou jwenn ansyen chèf leta Blaise Compaore.
Load more
