Etazini pral adopte Mèkredi, an kowòdinasyon ak Inyon Ewopeyèn ak peyi G7 yo, plizyè nouvo sanksyon kont Larisi ki vize an patikilye entèdi "kelkeswa moun ou biznis envesti " nan peyi a.
Prezidan Ikrenyen an, Volodymyr Zelenskyy te mande Nasyonzini pou l aji kont "krim lagè" Larisi fè nan peyi l ', sinon LONU pa gen okenn rezon pou l existe - li dwe "senpleman fèmen".
Lafrans ak Almay anonse lendi ekspilsyon plizyè diplomat ris apre dekouvèt pandan wikenn nan, sa yo dekri tankou yon masak ke yo kwè ke sòlda Ris yo komèt nan Ikrèn, alòske l'Oksidan vle anonse "semèn sa a" nouvo sanksyon ekonomik kont Larisi.
Ministè Defans Ris la te asire Dimanch ke fòs li yo pa touye sivil nan Bucha. "Pandan peryòd kote zone sa a te sou kontwòl fòs lame Ris la, pa gen okenn rezidan ki te viktim ."
Almay deklare ke li enposib pou yo sispann achte gaz Ris la e sanksyon yo pran kont Moskou yo ap fè Inyon Ewopeyèn lan plis mal ke Larisi, se sa Minis Finans Alman an Christian Lindner te di Lendi.
Otorite lokal yo te sezi Vandredi yon yatch Ris ki t ap pase nan Sendomeng. Yo sezi yatch la sou demann la jistis Ameriken, dapre sa biwo Minis Jistis Dominiken an di.
Premye Minis Japonè Fumio Kishida deklare ke Japon pa gen okenn entansyon pou retire kò l nan yon gwo pwojè gaz yo genyen ak Larisi, malgre yo adopte plizyè sanksyon kont Larisi, menmjan ak peyi oksidantal yo, apre envazyon Moskou nan Ikrèn.
Ajans lapolis Ewopeyen an Europol te di Vandredi ke li te deplwaye ekip li sou fwontyè tout peyi Ewòp genyen ak Ikrèn pou konbat pasaj kriminèl ak "teworis" ki ap soti nan Ikrèn pou eseye antre nan peyi Inyon Ewopeyen yo, kote yap tou profite pou pase tankou refijye.
Vandredi, gouvènè rejyon Belgorod nan peyi Larisi deklare ke Ikrèn te fè yon atak nan elikoptè sou yon "depo gaz", vil sa anviwon 40 kilomèt ak fwontyè Ikrèn lan.
Semèn sa a, diplomat Ikrèn ak LaRisi te reyini nan peyi Tiki. Ikrèn fè konnen li pare pou l tounen yon eta neut - ak garanti sekirite - pou kalme enkyetid Ris yo kòmkwa li ka antre nan alyans militè l-OTAN an.
A pati de premye avril, tout peyi ki ap achte gaz Ris la,pral oblije gen kont nan woub, otreman Larisi pa pral vann ou gaz li, se deklarasyon sila ke Prezidan Putin te fè Jedi.
Direktè CIA a, William Burns, teste pozitif pou COVID-19 Jedi, yon jou apre li te rankontre ak Prezidan Biden .
Yon gwo Ofisyèl nan Pantagòn di ke fòs Ris yo kòmanse soti nan sit nikleyè Chernobyl la, yon kote yo te pran kontwòl nan premye jou envazyon yo nan Ikrèn,
Jeremy Fleming, ki se Chèf Ajans Entèlijans Grann Bretay la GCHQ , di ke Prezidan Ris la Vladimir Putin te surestime kapasite lame li a genyen, e ke li te panse ke li ta pral jwenn yon viktwa rapid.
Apeprè 83% Ris apwouve aksyon Vladimir Putin, dapre yon sondaj ki fèt. Sa reprezante yon ogmantasyon 12 pwen anplis konpare ak dènye sondaj ki te fèt nan mwa fevriye a. Se yon antite endepandan ki rele "Enstiti Levada" ki fe sondaj la.
Prezidan Ameriken an Joe Biden te pale jodi Mèkredi a ak tokay Ikrenyen li Volodymyr Zelenskyy.
Minis afè etranjè Slovaki a te anonse Mèkredi,ke yo te deside ekspilse 35 diplomat ris apre yo te resevwa enfòmasyon sèvis entèlijans yo.
Administrasyon Etazini ki kontwole afè manje ak medikaman (FDA) otorize yon 4èm doz vaksen Pfizer ak Moderna kont COVID-19 pou moun ki gen 50 tan e plis.
Konsèy Dwa Moun Nasyonzini an nonmen Mèkredi yon jij Nòvejyen ki te sèvi nan plizyè tribinal entènasyonal pou mennen ankèt sou vyolasyon Larisi ta fè nan Ikrèn.
Load more
