Mouvman politik Yubrank Suazo di ke lajistis nan peyi Nikaragwa kondane lidè li pou l pase 10 an nan prizon. Suazo se te youn nan lidè ki te responsab manifestasyon kont gouvènman Daniel Ortega a nan ane 2018.
Gouvènman Nikaragwa retire otorizasyon pou kite Hugo Rodríguez ki se yon nouvo anbasadè Etazini, antre nan peyi a. Gouvènman Nikaragwa a akize li deske li "foure bouch li" nan politik Nikaragwa e ke "li pa gen respè pou peyi a".
Dapre deklarasyon estaf jeneral Ikrenyen yo fè, fòs Ris yo kontinye ap eseye avanse toupre Siversk ak Bakhmout, 2 vil sa yo se rejyon endistriyèl nan Donbass, ke Moskou vize pou l pran kontwòl yo" wè pa wè".
Pa gen okenn evalyasyon jeneral sou kantite moun ki viktim oubyen pèdi lavi yo nan lagè Ikrèn nan, men pou vil Mariupol otorite yo ikrenyen yo di anviwon 20 mil moun pèdi lavi yo.
Plizyè atak misil pwisan ris frape plizyè rejyon nan Ikrèn, pami yo sant, sid ak nò peyi a edi.
Ansyen pòtpawòl prezidansyèl Gabon an, Ike Ngouoni, jwenn kondanasyon li pou li al pase 8 an nan prizon. Se yon tribinal Kriminèl Espesyal nan Libreville ki te bal santans sa a. Yo akizel de "detounman lajan leta" ak "blanchi lajan", dapre sa avoka li yo te di AFP.
3 pò ke Ikrèn deziyen pou ekspòtasyon sereyal yo rekòmanse opere Mèkredi, apre lame Ikrèn lan te pasyèlman detwi yon pon estratejik enpòtan nan rejyon sid Kherson Ris yo te okipe.
Manifestan yo piye plizyè biwo misyon Nasyonzini an (Monusco) nan vil Goma nan Repiblik Demokratik Kongo, akoz yo te fache de prezans misyon an nan peyi a. Manifestasyon yo te kòmanse 10 jou apre prezidan Sena a te lanse yon apèl pou mande fos mentyen lapè a kite peyi a.
Kore di Nò lanse akizasyon dimanch kont Etazini. Pyongyang fè konnen ke Washington ap fè zam byolojik nan Ikrèn. Moskou li menm te deja fè akizasyon sa a e Nasyonzini te rejte l nan mwa mas pase a.
Minis Afè Etranjè Ris la rive nan Peyi Kongo, ki se dezyèm vwayaj li nan kad yon vire won li ap fè sou kontinan Afriken an.
Dimanch, Prezidan Alman an Frank-Walter Steinmeier te kritike lagè ke Prezidan Ris la Vladimir Putin ap mennen kont Ikrèn, e li deklare lagè sa a " kont inite peyi Ewòp yo".
Pap Franswa rive dimanch nan peyi Kanada pou yon vizit 5 jou, kote li espere pèsonèlman mande endijèn yo eskiz nan non Legliz Katolik. Sivivan endijèn sa yo te viktim abi seksyèl pandan plizyè dizèn ane.
Envazyon Ris la nan Ikrèn te antre nan sizyèm mwa li Dimanch, yon jou apre atak sou pò a Odessa a, ki menase aplikasyon akò sou reouvèti pò a pou ekspòtasyon sereyal Ikrenyen yo ki bloke depi kòmansman lagè a.
Etazini mande pou Larisi aplike "rapid rapid " akò ke yo siyen vandredi a sou ekspòtasyon sereyal atravè Lanmè Nwa a. Akò sa a siyen ant Kyev ak Moskou nan vil Istanbul.
Load more
