La Havann —
Ponpye nan peyi Kiba jwenn asistans ekip espesyal ki soti Meksik ak Venezyela pandan yap eseye etenn yon gwo dife ki pran nan yon depo petwòl. Sa fè dezyèm jou yo pase ap eseye etenn dife sa a.
Otorite yo di gen yon ponpye ki mouri e lot disparèt apre yon kout zeklè te frape depo a Vandredi swa, epi deklanche yon seri eksplozyon. Dife sa a te vinn pwopaje nan yon dezyèm tank bonè Samdi.
Yon total 122 moun resevwa swen pou blesi yo e gen 5 moun ki nan kondisyon kritik.
Gouvènè pwovens Matanzas di Dimanch gen 4,946 moun ke yo evakye. Pi fò nan yo tap viv nan katye ki rele Dubrocq la, ki sitye bo kote depo petwòl la.