La Havann —
Otorite Kiben yo di dife ki pran nan yon depo petwòl apre yon kout zeklè frape li, ap boule san kontwòl nan vil Matanzas, kote 4 eksplozyon ak flanm dife blese 80 moun. Gen 17 ponpye ki disparèt.
Otorite yo di ponpye yo ak lot espesyalis ap eseye etenn dife a nan Baz Sipètank Matanzas la, ki te pran dife pandan yon gwo lapli ak loraj Vandredi swa.
Gouvènman Kiben an di Samdi apremidi gen yon tank ki pran dife e ke li pwopaje jis tan li gaye nan yon dezyèm tank.
Aksidan an rive nan moman Kiba ap redi pou'l jere rate gazolin lakay li.
Depo a gen 8 gwo kokenn chenn tank petwòl ke yo sèvi pou jenere elektrisite.
