Ministè Jistis Kore di Sid la enpoze yon entèdiksyon ki anpeche Prezidan Yoon Suk Yeol vwayaje nan peyi etranje, nan moman otorite yo ap mennen ankèt sou akizasyon rebelyon ak lot akizasyon anko an koneksyon ak deklarasyon lwa masyal li te fè semèn pase a, ki pat dire lontan.
Dekrè lwa masyal Yoon nan te lakoz twoup fos espesyal yo te deplwaye nan lari Seoul. Sa te plonje Kore di Sid tou nan tibilans politik.
Yoon eskive tantativ opozisyon an tap mennen pou enkilpe li Samdi.
Pi fo palmantè pati ki sou pouvwa a te boykote vot palman an. Sepandan pati opozisyon yo sèmante pou prezante yon nouvo mosyon enkilpasyon kont misye semèn sa a.
Yon responsab ministè jistis la deklare Lendi ke li entèdi Yoon kite peyi a sou demann lapolis, avoka akizasyon leta epi yon ajans anti-koripsyon.