Chèf pati ki o pouvwa a nan Kore di Sid eksprime sipò li pou lide pou yo ta sispann pouvwa konstitisyonèl Prezidan Yoon Suk Yeol apre li te enpoze lwa masyal nan peyi a. Anons piman bouk sa a rann ni pi fasil kounyea pou yo enkilpe Yoon pou aksyon li poze a.
Han Dong-hun, lidè Pati Pouvwa Popilè a, di li resevwa ransèyman ki di Yoon te pase lòd pou arete kèk politisyen ke yo pa spesifye. Li baze desizyon an sou swadizan akizasyon "aktivite anti-gouvènmantal" pandan lwa masyal la.
Li di Yoon riske poze aksyon ektrèman ki taka mete Kore di Sid ak sitwayen li yo nan danje.
Enkilpasyon Yoon ta mande sipò 2 tyè Asanble Nasyonal la, ou 200 sou 300 manm.
Pati opozisyon ki te prezante mosyon pou enkilpe prezidan an kontwole 192 syèj.
