Doktè yo nan Gaza lanse avètisman pou di dè milye moun taka mouri paske lopital yo sichaje ak moun ki blese nan moman yo prèske pa gen gaz ak pwodui de baz pou fonksyone.
Palestinyen yo ap redi pou jwenn manje, dlo ak sekirite anvan Izrael tanmen ofansiv terès li nan lagè Hamas deklanche apre yon atak Samdi 7 Oktòb la ki te lakoz anpil san te koule.
Apre yon semèn atak ayeryen ki ratibwaze katye ann antye nan Gaza men sa pa anpeche militan yo kontinye lanse obu sou Izrael.
Ministè Sante Gaza a di gen plis pase 2,450 Palestinyen ki mouri depi lagè a komanse. Savledi se lagè kote plis moun mouri pami 5 lagè Gaza yo.
Gen plis pase 1,300 Izraelyen ki pèdi lavi yo - pi fo nan yo se sivil ki mouri nan atak 7 Oktòb Hamas la.
Batay kap dewoule sou fwontyè Izrael ak Liban entansifye men Hezbollah di li pa antre nan lagè sa a.