Mwayen Oryan
Blinken Mande pou yo Pwoteje Sivil yo nan Moman Izrael Pare pou Atake Gaza
Sekretè Deta Antony Blinken lanse apèl pou yo pwoteje sivil yo ni nan Bann Gaza a ni nan Izrael pandan lap entansifye jefo diplomatik li nan Mwayèn Oryan an.
Diplomat pi wo plase Ameriken an ap eseye ranmase sipo entènasyonal pou anpeche lagè Izrael-Hamas la epapiye pi plis.
Blinken rankontre Minis Afè Etranjè Saoudyen an, Prens Faisal bin Farhan nan Riyadh Samdi, anvan li te pran avyon pou al Emira Arab Uni.
Blinken te rele tokay Chinwa li tou pandan Palestinyen yo tap redi pou kouri kite zon Gaza ke lame Izraelyen an di li pral vize nan ofansiv terès li a.
See all News Updates of the Day
Taliban Yo di Atak Ayeryen Pakistanè Touye 46 Moun nan Lès Afganistan
ESHAWAR, Pakistan (AP) — Yon ofisyèl gouvènman Taliban di atak ayeryen Pakistan yo sou lès Afganistan te touye 46 moun, sitou fanm ak timoun.
PHamdullah Fitrat, pòtpawòl adjwen gouvènman afgan an, te di moun ki te mouri nan frap sa, ki te vize kat lokal nan Barmal, yon distri nan pwovens Paktika, se refijye.
Sa a rive yon jou apre ofisyèl sekirite Pakistanè yo, ki te pale sou kondisyon anonim, jan règleman yo mande sa, te di Associated Press operasyon Madi a sete pou kraze yon sant fòmasyon epi touye rebèl.
Pakistan pa fè kòmantè sou frap yo, sepandan, nan Mèkredi, militè Pakistanè a te di fòs sekirite yo touye 13 rebèl nan yon operasyon lannwit lan.
Izrayèl di Li Pap Abandone Zòn Fwotyè yo ak Lasiri
Gouvènman Izrayelyen an anonse li pap abandone zòn tanpon li okipe sou fwontyè ant peyi a ak Siri toutotan sekirite rezidan nan Mòn Golan yo pa garanti.
Siri: Nouvo Pouvwa a anonse Entegrasyon Rebèl Yo Nan Ministè Defans Peyi a
Nouvo otorite siryen yo te anonse Madi yon akò ak "tout gwoup ame" pou kraze yo, yo presize yo pral entegre yo nan Ministè Defans lan.
"Yon reyinyon chèf" gwoup ame yo ak nouvo lidè peyi Siri a Ahmad al-Shareh "a debouche sou yon akò pou kraze tout gwoup yo ak entegrasyon yo anba sipèvizyon Ministè Defans lan", ajans ofisyèl Sana ak nouvo otorite yo te endike sou kont Telegram yo.
Diplomat Ameriken yo ak Anvwaye Spesyal pou Otaj yo Vizite Siri
ASHINGTON (AP) — Premye diplomat ameriken yo te vizite peyi Siri depi Prezidan Bashar Assad rache manyòk li nan kòmansman mwa sa a, nan Damas pou yo fè yon chita pale ak nouvo lidèchip peyi a epi chèche enfòmasyon sou kote jounalis Ameriken ki disparèt la, Austin Tice ye.
Depatman Deta te di byen bonè Vandredi diplomat an chèf pou Mwayen Oryan Barbara Leaf, ansyen anvwaye espesyal pou peyi Siri Daniel Rubinstein, ak anvwaye an chèf administrasyon Biden pou negosyasyon otaj, Roger Carstens, nan chita pale ak lidè pwovizwa peyi Siri yo.
Prensipal pwen nan ajanda yo se jwenn enfòmasyon sou Tice. Epi yo pral pouse prensip enklizyon ak rejè teworis nan administrasyon an ki enpòtan anpil pou Etazini sipòte yon nouvo gouvènman.
Putin mande Izrayèl Retire Twoup li yo "sou Teritwa Siryen an"
Prezidan Ris Vladimir Putin te mande Izrayèl pou retire twoup li yo nan "teritwa peyi Siri", yo te deplwaye nan yon zòn tanpon Nasyonzini kontwole ki separe 2 peyi yo sou Plato Golan an.
Facebook Forum