Kore di Nò lanse yon misil balistik kout-pòte nan lanmè nan moman lap ogmante esè li yo pou reponn egzèsis militè Etazini kontinye ap fè ak Kore di Sid.
Chèf Deta Majò Fòs Zame Kore di Sid di Pyongyang lanse Dimanch maten misil la depi rejyon nòdwes peyi a e li te travèse peyi a anvan li te tonbe nan dlo ki tou pre kòt ès la.
Lansman an sete 3èm Nò a fe kote li teste yon seri zam pandan Etazini ak Kore di Sid ap fè egzèsis militè konjwen. Egzèsis militè sa yo te tanmen semèn pase a.
Kore di Nò konsidere egzèsis konsa yon preparasyon pou yon envazyon.
Prensipal anvwaye nikleyè Kore di Sid, Japon ak Etazini kondane lansman an kòm pwovokasyon ki menase lapè sou prèskil Koreyèn nan ak rejyon an.