Kore di Nò deklare dènye lansman misil li yo sete yon similasyon "tè boule" atak nikleyè kont Kore di Sid.
Laprès nasyonal Kore di Nò a deklare Jedi li fè yon egzèsis militè nan pòs kòmandman li kòm preparasyon pou yon envasyon kote li ta okipe teritwa rival li nan yon konfli.
Kore di Sid ak Japon te detekte lansman 2 mmisil balistik kout pote Mèkredi swa.
Kore di Nò ogmante pwotestasyon li kont egzèsis militè Kore di Sid ak Etazini ap fè ansanm, ke li konsidere tankou preparasyon pou yon envazyon.
Nò a te teste misil ki gen kapasite pou pote zam nikleyè nan mwa ki pase yo, epi dekri kijan li ta sèvi ak zam sa yo nan plan lagè li, pou kraponnen rival li yo.
Sepandan obsèvatè yo kwè repetisyon an se pwobableman yon avètisman ke peyi a ka sèvi ak zam nikleyè kom prevansyon nan tan lagè.