Sèvis ransèyman Kore di Sid la di palmantè yo Kore di Nò ap fè preparasyon pou yon nouvo seri esè zam pwovokatif nan moman lap ogmante aktivite klandesten li yo pou bay ekonomi frajil li a yon bourad.
Yon palmante site Sèvis Ransèyman Nasyonal la, ki fe konnen pandan yon rankont prive ke ekonomi Kore di No a la sibi gwo bès chak ane ant 2020 ak 2022.
Sèvis Ransèyman an di Kore di Nò ta dwe reprann seri esè zam li yo pou reponn kokenn chenn egzesis milite Etazini ak Kore di Sid ap fè ansanm, e ki pral tanmen semèn pwochen nan. Pyongyang vekse tou dèske responsab Kore di Sid ak Japon pral rakontre Prezidan Joe Biden nan Kan David, ki sitye Ozetazini Vandredi sa a.
