Pòt pawòl Gad Frontyè Etazini pou zòn El Paso, Texas la, Carlos Rivera pale ak jounalis VOA Celia Mendoza jodia sou sityasyon an sou frontyè a ak lwa ki rele Tit 42 a.
"Youn nan bagay nou ta renmen di klèman se ke malgre Tit 42 taka elimine, frontyè Etazini pa louvri. Nou pral kontinye aplike Tit 8 sitou pou sa yo ki paka pwouve yon baz legal pou azil Ozetazini. Si yo pa kalifye nou pral tanmen yon pwosesis ki pral lakoz nou fini pa depòte yo," Rivera di VOA.
Misye di nou desizyon jij Lwizyann nan pran pou bloke leve Tit 42 a, tou senpman ba yo plis tan pou fè preparasyon pou sa, e ke Gad Frontyè atann ni aske Tit 42 a leve evantyèlman.
Your browser doesn’t support HTML5
Gad Frontyè Etazini Dekonseye Migran yo Fè Kontrebandye yo Konfyans
Mesaj Rivera pou migran kap anvizaje travèse antre Ozetazini ilegalman se:
"Nou vle di migran yo pa fè kontrebandye yo konfyans. Yo fè'w konpran li fasil pou antre Ozetazini. Reyalite a se pa vre. Kriminèl yo eskwoke migran yo epi apre sa yo bay yo manti sou danje ki poze pou yo. Chalè a komanse ogmante donk premye risk la se dezidratasyon yon senp antòs kapab fatal paske kontrebandye yo pap rete tann ou - yap abandone'w nan dezè a. Anplis, nou gen yon gwo baryè ki chofe anpil, gen yon kanal - si ou tonbe soti sou baryè a paske li cho, nechèl la chape ou taka mouri, donk se kèk sèlman pami plizyè danje ki egziste pou migran yo pandan yap eseye antre Ozetazini."
Jounalis VOA Espayol, Celia Mendoza, kontribye a repotaj sa a