Jwe Ayisyen-Kanadyen Jonathan David te goumen pou'l jwenn plas li ak klib Franse Lille la. Sa te pran'l 13 match ak ekip la anvan li te resi choute yon gòl.
Depi le a misye vinn transfòme pou'l tounen youn nan jen jwè pi rechèche nan tout Euwòp la.
A laj de 21 an, David se jwè lig Franse a ki choute plis gòl. Vreman vre, gòl li choute nan mitan semenn nan ki pèmèt ekip li kale Salzburg 1-0 nan Lig Chanpyon an sete 12em gòl li pou sezon an.
Se sèlman Erling Haaland ki choute plis gòl pase'l (swa 13) nan konpetisyon kap fet pami jwè ki pran nesans nan l'an 2000 oubyen apre e k'ap jwè nan 5 meyè lig Ewopeyen yo.
David pran nesans nan Nouyok, men li t'al viv Pòtoprens lè'l te yon ti bebe 3 mwa, epi a laj 6 zan, fanmi ni t'al viv Ottawa, nan Kanada. Li te fè debi entènasyonal li an 2018 e kounyea li se yon jwè kle nan tantativ ekip nasyonal la ap fè pou'l avanse nan premye Mondyal li depi ane 1986.
"Misye se absoliman yon kado," antrenè Kanada John Herdman deklare. "Sa'm pi renmen ak Jonathan se le fèt ke li kalm. Mwen rele misye Nèg Glas la. Li pa gen tèt cho e mwen kwè sa pral fè diferans la pou misye."