Sekretè Deta Ameriken Antony Blinken felisite gouvènman Kenya pou òf li fè pou dirije yon fòs entèvansyon milti-nasyonal an Ayiti.
"Lèzetazini kontan travay ak patnè Ayiti pou pèmèt pwosesis sa a avanse ak siksè, epi atravè yon Rezolisyon Konsèy Sekirite Nasyonzini ki otorize yon fòs miltinasyonal pou Ayiti," Blinken di nan yon deklarasyon li pibliye 1 Out.
Li ajoute: "Sipò nou pou pèp Ayisyen an rete fèm."
Blinken di: "Lèzetazini lanse apèl bay pati prenant yo an Ayiti pou yo pran mezi vit e prese pou retabli lòd demokratik yo, ann akò ak Chat Demokratik Entè-Ameriken an."
Sekretè Deta a remèsye tou, Kominote Karayibeyèn nan, CARICOM, gwoup Pèsonaj Eminant la, ak Oganizasyon Eta Ameriken yo, L'OEA pou sipò yo vizavi jefò sa a.
Korespondan VOA nan Depatman Deta, Cindy Saine, kontribye a repòtaj sa a