Nan yon kourye elektwonik Jack Malon, Manadjè Politik Kominikasyon YouTube voye bay VOA Kreyol, li fè konnen: "Nou mete fen nan chanèl an kestyon an akoz li te vyole Prensip Kominote nou, ki entèdi kontni ki ensite moun pou komèt zak vyolans."
Malon presize ke prensip sa yo di klèman ke sa yo bagay YouTube entèdi.
Sou paj ki bay detay sou pensip sa yo, anba kategori ki rele "Kontni Vyolan oswa Danjre" nou jwen:
- - Kontni ki ka koze dega oubyen ki danjre
- -Kontni ki vyolan oubyen tèlman terib fòk yon moun gade yo ak anpil prekosyon
- -Oganizasyon kriminèl vyolan
- -Pawòl rayisman
- -Arsèlman ak konpotman agresiv vizavi moun sou entènèt la
Nan repons li, Malon pa mansyone kanpay an liy Ayisyen te lanse pou mande rezo sosyal popilè a elimine chanèl Izo a.
Pa rapò ak plak ki rele "Silver Play Button" nan, Malon di se yon bagay yo remèt bay kèk pami kreyatè sou YouTube ki rive depase 100,000 abone. Sepandan "se pa yon akolad pou kreyatè sa yo ni konpòtman yo andeyo platfòm nou, e nou atann nou aske tout kreyatè yo suiv Prensip Kominote nou yo".
Nan rechèch VOA Kreyòl fè, nou jwen kontni Izo a toujou disponib, malgre chanèl li pa egziste ankò sou YouTube.