Depatman Jistis Etazini deside ale ann apèl pou ranvèse desizyon yon jij nan eta Florid pran pou voye jete egzijans federal ki mande pou pasaje kap vwayaje nan avyon, tren ak lòt mwayen transpò piblik mete kach-nen.
Avètisman an tonbe kèk minit apre Sant pou Kontwòl ak Prevansyon Maladi a, CDC, te mande Depatman Jistis la konteste desizyon jij federal eta Florid la te pran pi bonè semèn sa a.
Avoka gouvènman an prezante dokiman Mèkredi pou anonse entansyon yo, nan yon tribinal federal nan vil Tampa.
CDC fè konnen li pral kontinye egzaminen pou kounyea, "lòd ki mande tout moun mete kach nen sou mwayen transpò anpil moun sèvi, pou pwoteje sante piblik la."