Dezisyon yon jij federal nan eta Florid pran pou'l voye jete egzijans nasyonal pou moun mete kach nen le yap vwayaje sou transpo piblik toupatou Ozetazini kreye yon veritab mik mak règleman - nan divès eta Ameriken.
Pasaje abò yon vòl United Airlines ki tap soti Houston nan eta Texas pou al Nouyòk pa egzanp, te ka voye kach nen yo jete depi pwen'd depa yo ak abò avyon an, men Nouyòk limenm te egzije yo pou yo mete kach nen lè yo rive nan eta a.
Associated Press mande opinyon kek vwayaje nan ayerwopò entenasyonal Dulles la tou pre Washington.
Patricia Manns se moun Atlanta.
" Se yon bèl bagay. Mwen kontan a mò. Mwen vwayaje nan avyon anpil. Mwen pat janm sispann - men byen antandi nou te respekte règ la. Men yè swa mwen tande li pa ann aplikasyon ako. Mwen vle rele di tout moun wetire mask nou! respire, paske mwen patka respire pandan 2 zan. Mwen kontan e se pral yon plezi pou'm vwayaje kounyea," li deklare.
Srimivas Pochiraju, se yon vwayaje ki fèk soti peyi End ak fanmi'l.
"Pou mwen sete yon kestyon sekirite pa vre? Kitse fanmi mwen, lot pasaje yo, lot moun, sitou nan avyon kote moun soti toupatou nan mond lan. Paske malgre map soti End, mwen te fè eskal Dubai. Donk gen moun ki sot toupatou nan mond lan. Nou pa konnen sakap pase lot kote. Donk mwen kwè li nan enterè tout moun pou lot pasaje yo mete mask tou," misye deklare.
Richard Gonzales se moun San Antonio, Texas.
"Mwen adore sa. Se yon bon desizyon. Mwen kwè CDC te reyaji two vit e desizyon li an pat apwopriye e mwen pat janm dako ak egzijans mete mask la depi nan komansman. Donk mwen apiye desizyon sa a," misye deklare.
Sant pou kontwol ak prevansyon maladi a CDC pwolonje pou jous 3 Me, egzijans kach nen an, pou li ka gen plis tan pou'l etidye nouvo varyan kowonaviris la ki rele BA.2 omicron.
Nan yon echanj ak jounalis yo nan ayewopo New Hampshire Biden di lap kite eta yo deside poukont yo sa pou yo fe e ke li poko pale ak CDC.
Pi ta Lendi, Administrasyon Biden nan te deklare ke règleman an pap antre ann aplikasyon toutotan ajans federal yo poko deside kijan yo pral reponn.
Enfomasyon pou repotaj sa a soti nan Associated Press
