Prezidan Joe Biden nomen Kim Cheatle, yon responsab veteran Sevis Sekrè a kom pwochen direktris ajans la.
Nominasyon an vini nan moman ajans la ap fè fas ak yon pale anpil ki gen pou wè ak tèks mesaj ki disparèt nan moman dè milye patizan prezidan Donald Trump tap atake Capitol la.
Cheatle te kite Sèvis Sekrè a an 2021 pou'l al travay kom responsab sekirite PepsiCo.
Lap pran tèt ajans la nan moman komisyon Kongrè a ak envestigatè Depatman Sekirite Nasyonal la ap mennen ankèt sou tèks mesaj ki disparèt yo. Sèvis Sekrè a di yo te efase mesaj sa yo pandan yo tap fè reglaj lojisyèl telefon yo.
Cheatle te travay pou Sèvis Sekrè a pandan 27 an, e li se premye fanm ki janm nomen asistan direktè operasyon pwotektif yo.
Divizyon sa a pwoteje prezidan an ak lot responsab wo plase.