Achiv Nasyonal ak Administrasyon Dokiman Etazini rekipere plis pase 100 dokiman ki te gen etikèt sekrè sou yo - pou yon total plis pase 700 paj nan 15 bwat dokiman li te pran kay ansyen Prezidan Donald Trump, Mar-a-Lago pi bonè ane sa a.
Se sa korespondans piblik ki fèk devwale, e ki te fèt ant gwoup avoka Trump yo ak ajans gouvènmantal sa a fè konnen.
Chif sa yo jete limyè sou gwo volim dokiman sekrè ke yo te jwenn lakay Trump nan Florid, byen lontan anvan FBI te fouye pwopriyete a mwa sa a.
Nan fouy pi resan an, Depatman Jistis Etazini di li jwenn e wetire 11 gwoup dosye sekrè nan kay la.
