Prezidan Joe Biden ap pase dènye jounen konplè li sou pouvwa a nan eta Kawolin di Sid.
Se yon eta ki gen yon enpotans espesyal pou li. Viktwa Biden te ranpote nan eleksyon primè pati Demokrat la nan eta sa a nan ane 2020 an te pare chimen an pou l tounen prezidan Etazini.
Dimanch, li vizite legliz Batis Royal Missionary nan vil North Charleston kote li asiste lamès epi pale sou eritaj Reveran Martin Luther King Jr.
Prezidan Joe Biden, premye dam Jill Biden, Depite James Clyburn ( Demokrat Kawolin di Sid) asiste yon mes nan legliz Batis Royal Missionary nan North Charleston, 19 Janvye 2025.
Anvan diskou li nan legliz la, Biden te deklare "zam sispann tire nan Gaza" anba seselfe Hamas-Izrayèl ke li te detaye nan mwad Me a.
Biden ofri kèk konsèy tou pou Prezidan-eli Donald Trump, ki gen pou pran pouvwa a Lendi. Li mande misye asire seselfe a rete an plas.