Òganizasyon imanitè Medsen San Fwontyè (MSF), anonse li akonpaye plis pase 4400 fanm ki te sibi kadejak nan ane 2024 la.
Nan yon bilan li pibliye sou rezo yo, MSF fè konnen li konstate kantite kadejak yo ogmante an 2024.
Anpil nan viktim yo se ti fi k ap viv nan kan. Moun ki kouri kite lakay yo akoz vyolans gang yo.
Pou ane 2024 la, MSF anrejistre yon total 4463 viktim kadejak ann Ayiti. Yon chif ki wo anpil pa rapò ak 2023.
Selon Sherlyne Mura, ki nan ekip kominikasyon MSF la, pou ane 2023 a, òganizasyon imanitè a te asiste 3207 viktim kadejak. Sa vle di pou ane 2024 la, gen 1256 viktim anplis pa rapò ak 2023.
Pi lwen, MSF souliye anpil nan kadejak to enplike gwoup nèg ak zam.
Nan kontèks ensekirite a, gwoup gang yo itilize katejak kòmzam kont fanm ak tifi