75 militè ki soti Gwatemala ak 8 ki soti Salvadò te debake Pòtoprens nan avyon militè, jou ki te vandredi 3 janvye 2025 lan, E yon dezyèm gwoup ki te 77 ofisye ki soti nan peyi Gwatemala te rive samdi 4 janvye 2025 lan.
2 gwoup sòlda sa yo vin rejwenn « Mission multinationale d’appui à la sécurité (MMAS) » a ki te deja nan peyi a.
Kidonk MMAS la genyen ladan li nan moman an 5 peyi: Kenya, Jamayik, Beliz, Gwatemala ak Salvadò.
Daprè sa pòt pawòl adjwen lapolis la, Lionel Lazarre, fè konnen, 8 sòlda salvadoryen yo vini prepare teren an pou lòt gwoup ofisye salvadoryen parèy yo k ap gen pou vini. Lazarre di tou genyen yon lòt gwoup sòlda gwatemaltèk ki ta dwe vini tou nan jou k ap vini la yo.
2 gwoup militè sa yo te debake nan èpòt la devan prezidan Konsèy la, Leslie Voltaire; Premye minis lan, Alix Didier Fils-Aimé ; ak anbasadè peyi Etazini ann Ayiti, Dennis B. Hankins.