Selon BINUH, bandi yo asasinen sou yon peryòd 6 jou, 207 moun ki soti nan anviwon 5 katye sou Waf Jeremi an.
Bandi yo al pran moun yo andan kay yo pou mennen yo nan baz gang lan pou poze yo kesyon. BINUH rapòte, apre entèwogasyon yo, bandi yo masakre viktim yo ak manchèt oubyen touye yo ak katouch
Majorite viktim yo se granmoun bandi yo akize k ap pratike vodou ki lakoz pitit chèf gang lan malad.
Pi lwen BINUH souliye gen nan viktim yo se moun ki t ap eseye kouri kite zòn nan ak moun bandi yo sispèk ki pale pawòl masak la nan medya.
"Nou paka pretann anyen pa pase. Mwen mande pou lajistis ayisyèn mennen yon ankèt prese prese pou arete epi pini moun ki responsab zak sa". Deklarasyon reprezantan sekretè jeneral Nasyonzini an Ayiti, madam Marie Isabel Salvador
Pi lwen diplomat la mande pou otorite yo mete sou pye yon inite jistis espesyal pou goumen kont jan de krim sa yo.