Nan nouvo mizik sa, atis la eksplike jan l te damou e l te konsidere patnèl tankou yon wa.
Fatima chante: "mwen t ap chante kantamwa, mache klewonnen sou tout do kay, lanmou ap viv lakay mwen e se ou k te wa m".
Atis la chante tout bèl pawòl sa yo nan yon bèl pwezi lang franse pou montre jan l te tonbe damou.
Sepandan, se te two bèl pou l vre. Trayizon brize kè oubyen "blese" Fatima ki oblije di "babay" ak moun ki blese l.
Yon bèl mizik sou yon tenpo slow ki tradui reyalite anpil moun nan mond lan.
Fatima eksplike : "atravè mizik sa, pawòl mwen eksprime santiman ak dezi, toutpandan m ap goumen kont fantom ansyen lanmou m te genyen ak ensètitid avni m".
Nan mizik la Fatima ekspoze "vilnerabilite san fay" kote l "dechaje tout emosyon" li.
Sepandan, Fatima pa bay lanmou legen. Li swete jwenn yon moun renmen l, paske l toujou gen kapasite pou l renmen.
Fatima deklare: "Mwen toujou gen kapasite pou m renmen ankò e jwenn espwa nan fènwa.