Soti janvye pou rive novanm 2024, anviwon 30 mil fanm ayisyèn akouche nan yon lopital nan Repiblik Domininikèn, dapre chif Sèvis Nasyonal Sante (SNS) domimiken.
Antou, 29,710 timoun ki fèt nan lakou Sendomeng pou ane 2024 la, soti anndan vant yon fanm ayisyèn. Sa ki reprezante 35.7% nouvo bebe ki fèt sou tè dominiken an.
Pou mwa janvye 2024 la sèlman, 3048 fanm ayisyèn akouche nan yon lopital Sendomeng, dapre chif SNS kominike.
Mwa oktòb 2024, se mwa medam Ayisyèn yo plis kale pitit nan Sendomeng. Lopital yo anrejistre 4,027 nouvo bebe Ayisyen pou mwa oktòb ki sot pase la.
Men an detay kantite timoun fanm ayisyèn yo fè nan Sendomeng chak mwa poi ane 2024 la
Janvye : 3048 timoun
Fevriye: 2444 timoun
Mas: 1837 timoun
Avril : 1982 timoun
Mai : 1944 timoun
Jen : 1996 timoun
Jiyè: 2031 timoun
Dawout: 2701 timoun
Septanm: 3900 timoun
Oktòb: 4027 timoun
Novanm: 3802 timoun