Anbasad Etazini kondane masak ki fèt pandan wikèn nan nan katye Waf Jeremie nan Site Solèy.
Nan yon not pou laprès li pibliye Madi 10 Desanm Anbasad la fè konnen "Anbasadè Dennis B. Hankins ak tout ekip anbasad Etazini swete ekprime pwofon kondoleyans li pou tout moun ki afekte pa ensidan orib sa a."
Deklarasyon an vini apre yon mesaj Sou-Sekretè d Eta pou Zafè Emisfè Oksidantal yo, Brian Nichols te pibliye sou kont ofisyèl li sou rezo X pou di nouvèl la choke li.
"Peyi Etazini pran angajman pou l travay ak Ayiti, ak Polis Nasyonal Ayiti (PNH) la, ansanm ak Misyon miltinasyonal sipo pou sekirite (MMSS) pou retabli sekirite nan peyi a" not de près Anbasad la di.
Li ajoute ke Ameriken "konsyan de defi k ap vini pi defan yo e nou rete fèm nan sipo n ap bay pèp Ayisyen an".
Sekretè Jeneral Nasyonzini, Antonio Guterres, ki kondane masak la tou, lanse apèl bay kominote entènasyonal la pou l apiye fos miltinasyonal la ak sipo finansye ak lojistik.
Konsèy Sekirite LONU an ap diskite tou sou posibilite pou yo ta konvèti MMSS la nan yon fos mentyen lapè LONU.