Nan yon kominike li pibliye sou paj Facebook li, PNH fè konnen komisarya Ponsonde a anba kontwòl li l, ansanm ak plizyè lokalite bandi yo te okipe, tankou Zòn Pèy ak Kafou kado.
Anpil nan lokalite sa yo te anba kontwòl nèg ak zam ki te konn fè moun peye pasaj.
Grasa operasyon PNH la mennen nan tèt kole ak fòs miltinasyonal la, fòs lòd yo retabli sekirite e "pèmèt sikilasyon reprann" kòmsadwa sou wout nasyonal nimewo 1 an.
N ap fè sonje, gang Gran Grif, ki gen nan tèt li Luckson Élan, te lanse yon atak san parèy kont popilasyon Ponsonde a 4 oktòb 2024 la. Bandi yo te asasinen plis pase yon santèn moun.
