Nou wè l k ap bouje sou mizik RNB, sou slow ameriken... Men nou potko janm konn sa l peze nan sou tandans konpa.
Wi, Madonna danse konpa, e l pa poukont lan. Entèprèt "Frozen" nan, ki nan yon wòb nwa ak cheve l pann do, ap lage bèl gouyad atè ak yon konpayon do touni nan yon videyo Tiktok.
Mesye dam yo ap Yaya kò yo sou nouvo mizik chantè Ayisyen an Joe dwèt file ki gen pou tit "4 kanpe".
Bon son, bèl goove, bèl mizik, atis Ayisyen an ki gen mizik "Fè m voye" a ki "sètifye lò", pouse chantez entènasyonal la montre l sa l ka bay sou yon mizik konpa.
Vire won, pase men nan kou, bwase ren... Madonna 66 zan ak konpayon l byen lage sou mizik kompa a.
Videyo Madona a, gentan gen prèske 100 mil moun ki gade l nan mwens pase 24èd tan, san konte plis pase 6 mil moun ki "like" li ak plizyè santèn ki kòmante anba videyo a.