Prezidan-eli Donald Trump anonse yon lòt moun ki pral fè pati ekip imigrasyon ak fwontyè li.
Trump fè konnen se ansyen chèf Patwouy Fwontyè a, Rodney Scott, ki pral dirije Ajans Dwan ak Pwoteksyon Fwontyè a.
Scott se yon ajan fwontyè de karyè ki te fini pa dirije ajans la pandan premye manda Trump la. Li pa mete dlo nan bouch li pou l fè konnen li apiye ak tout fòs li mezi pi sevè pou ranfòse fwontyè a.
Nan CBP, misye pral dirije yon depatman ki gen apepre 60,000 anplwaye ki responsab pou pwoteje fwontyè peyi a pandan yap fasilite an menm tan, komès ak vwayaj.
Trump di tou li pral nomen Caleb Vitello, kom direktè a.i. Ajans Imigrasyon ak Ranfosman Dwann, ki responsab pou - antrot - arestasyon migran ki Ozetazini ilegalman.
Vitello se yon responsab de karyè ICE ki ap travay depi plis pase 23 zan pou ajans la.