Depatman Sekirite Nasyonal (DHS) fè konnen ke sèvis Ranfòsman Imigrasyon ak Dwan (ICE) te depòte pandan wikenn nan, yon gwoup Chinwa ki pa gen "okenn baz legal" pou yo rete Ozetazini.
Se twazyèm vòl avyon chatè ICE oganize nan yon espas mwenske 6 mwa pou transpòte migran Chinwa tounen nan Lachin. Men DHS pa presize konbyen Chinwa li depòte 16 Novanm.
DHS di lap travay ak tokay li nan Lachin Kominis pou kontre rezo trafik imen ilegal yo.
Yon Pwoklamasyon Prezidan Joe Biden te fè 4 Jyen an te sispann pwovizwaman pèmisyon pou migran kap chache travèse fwontyè sid Etazini antre nan peyi a.
DHS di sa lakoz yon bès plis pase 52% nan ensidan yo konstate sou fwontyè a.
Nouvèl sa a vini nan moman Prezidan-eli Donald Trump ap pare pou l pouse pou pi devan ak sa l dekri tankou pi gwo depòtasyon migran ilegal ki janm fèt Ozetazini.
DHS di jiska fen mwad Oktòb la, li opere plis pase 640 vòl rapatriman nan 155 pei etranje. Li ajoute ke li depòte plis moun an 2024 pase kantite yo janm depòte depi 2010.
Korespondan Sekirite Nasyonal VOA Jeff Seldin kontribye a repotaj sa a
