Desizyon sa a soti nan lokazyon 19e « session Comité Intergouvernemental de Sauvegarde du Patrimoine Culturel Immatériel » ki fèt jodi 4 desanm 2024 la, nan vil Asunción nan peyi Paragwe.
Pou desizyon sa a te rive pran, Ayiti t asosye l ak lòt peyi tankou Kiba, Onndiras, Repiblik Dominikèn ak Venezwela, nan lane 2023, pou te soumèt kandidati Kasav la kòm Patrimwan Kiltirèl Imateryèl Limanite.
Daprè yon lòt nòt delegasyon ayisyèn nan nan UNESCO mete deyò tou jodia nan kad nouvèl sa a, Kasav se dezyèm eleman nan patrimwan kiltirèl ayisyen an ki nan lis sa a, aprè Soup Joumou an te fin klase nan lane 2021. Men li se premye enskripsyon ki enplike plizyè lòt peyi.
N ap raple, nan dat ki te 18 janvye 2021 an, Ministè Kilti nan peyi Dayiti te deja klase Kasav la nan rejis nasyonal patrimwan kiltirèl ayisyen an.