Afich sa a rantre nan kad toune gwoup la tanmen ak katriyèm albòm yo a ki titre « My Pain Killer ».
Albòm la te soti ofisyèlman nan mwa novanm ki sot pase, 5 lane aprè « Ret nan liy ou », dènye pwojè gwoup la. Albòm tou nèf sa a reyini kèk lòt atis tankou Wyclef Jean, Rutshelle Guillaume, Tafa Mi-Soleil, Kenny Haïti ak Master Brain. Li genyen 13 mizik sou li.
Premye gwo fèt pou selebre sòti « My Pain Killer » a te fèt nan klèb Amazura nan Nouyòk, jou ki te samdi 23 novanm 2024 la. Chantèz Rutshelle Guillaume te prezan nan sware sa a pou l te depoze vwa l sou mizik « Valè w » la li pataje ak chantè djaz la, Pipo.
