Nan yon kominike sou rezo sosyal yo, òganizatè festival yo anonse yo repòte aktivite kiltirèl la te gen pou fèt soti 15 pou rive 19 janvye 2025 nan lakou Pòtoprens.
"Se avèk tristès nou anonse nou repòte festival entènasyonal Jazz la nan Pòtoprens", ekri komite a sou Instagram yo.
Komite a ajoute : " sitiyason sekirite nan Pòtoprens ak vòl yo ki kanpe sou kapital la pa ban nou lòt opsyon".
N ap fè sonje plizyè konpayi ayeryen, ladan yo Spirit ak américain airlines kanpe vòl sou Ayiti apre nèg ak zam te ouvri katouch sou yon avyon Spirit pandan l t ap tante ateri nan ayewopò Toussaint Louverture a 12 novanm ki sot pase a.
Komite PAPJAZZ la deklare sekirite atis yo, ekip li, patnè l yo ak piblik la se priyorite l. Kidonk yo oblije repòte aktivite kiltirèl yo.
