Imigran ayisyen sa yo rive nan yon kontèks kote kote anwo pa monte anba pa desann, akoz vyolans gang yo ki fòse avyon pa vole sou Pòtoprens.
Mete sou sa, Sendomeng kontinye ap pimpe Ayisyen tounen. Pou pi Imigrasyon Sendomeng rapatriye oubyen depòte 50 mil Ayisyen depi lè Prezidan Luis Abinader te anonse plan pou l depòte 10 mil Ayisyen chak semèn nan.
Ayisyen sa yo rive nan plizyè vil ki twouve yo nan depatman Nò peyi a.
Yon lòb bò, plizyè milye ayisyen k ap kouri kite lakay yo nan Pòtoprens akoz vyolans gang yo al chache refij nan 2e vil peyi.
Yon sitiyason ki pouse majistra vil Okap la, Yvrose Pierre, mande pou gouvènman an deklare eta ijans nan vil la ki mezire anviwon 53 km kare.
Majistra a deklare: "Pou mwen, gouvènman santral la dwe deklare eta ijans pou Okap. Li paka sèlman pou Pòtoprens".
Yvrose Pierre ki tap pale ak Miami Herald plenyen akoz mank finansman pou achte ekipman pou netwaye vil okap ki te anba lapli dènye jou sa yo.
Selon majistra a, gen pou pi piti yon moun ki mouri akoz move tan ki frape vil la