3 Ameriken Lachin te kenbe nan prizon depi plizyè zane jwenn liberasyon yo.
Nouvèl la vini Mèkredi nan yon mesaj Lamezonblanch pibliye e li se yon antant diplomatik ant Peken ak administrasyon Biden nan ki rive nan dènye mwa li yo sou pouvwa a.
Lèzetatini te deziye Ameriken sa yo kom moun Lachin anprizone enjisteman.
Yo se: Mark Swidan, Kai Li ak John Leung. Swidan tap fè fas ak yon pèn lanmo pou akizasyon dwog tandiske yo te akize Li ak Leung pou espyonaj.
Lamezonblanch di nan deklarasyon li pibliye ke mesye yo pral tounen byento "epi reyini ak fanmi yo pou premye fwa depi plizyè zane."
Ako diplomatik ak Peken an ra anpil, nan moman Biden pare pou klotire manda li.