2 manm kowalisyon "Viv ansanm" tonbe nan boukantay kout zam ak lapolis ayè jedi a, nan moman otorite yo t ap mennen yon operasyon gwo ponyèt anba Delma.
Ti Chinay ak Ti Dyab, se non 2 prezime bandi, ki fè pati de alye Jimmy Cherisier AKA Barbecue, ki mouri nan twoke katouch ak ajan fòs lòd yo.
Pandan operasyon gason pa kanpe sa, Lapolis Nasyonal Ayiti anonse chèf Kowalisyon "Viv ansanm" nan rive chape poul li.
Selon PNH, Jimmy Cherisier, ki te anba Delma nan moman operasyon an, kouri epi kite yon zam Kalashnikov.
Fòs lòd yo sezi zam nan.
N ap fè sonje kowalisyon "Viv ansanm" nan te lanse plizyè atak sou katye Solino epi fòse plizyè dizèn milye sitwayen kouri kite kay yo