Lidè pi gran puisans ekonomik mond lan mete fen yo nan rankont o somè G20 an nan vil Rio de Janeiro, ak yon deklarasyon ki apiye priyorite Sid Global la: chanjman klimatik, rediksyon lamizè epi enpoze taks sou milyadè yo.
Nan Sid Global la nou jwenn peyi soudevlope yo ansanm ak Larisi epi Lachin.
Prezidan Brezilyen Luis Inacio Lula da Silva, ki te patwone rankont G20 an te konsantre diskisyon yo sou 3 pilye a savwa - enklizyon sosyal, rezoud enskirite alimantè epi konbat lamizè. Lidè yo te diskite tou sou enèji, tranzisyon, chanjman klimatik ak fè refom nan gouvènans global.
Lula deklare Globalizasyon an echwe.
Nan deklarasyon konjwen yo a, Gwoup dè 20 an souliyen bezwen ki egziste pou ralandi rechofman global la epi redui lamizè. Yo antann yo pou travay ansanm pou "asire yo enpoze taks efikas sou moun ki pi rich yo."