Brezil ap mennen jefò pou peyi manm Gwoup dè 20 an travay ansanm pou soulaje moun kap mouri grangou yo. Se Brezil kap patwone rankont G20 an ki rasanble lidè 20 pi gran puisans eknomik nan mond lan. Yap fè chita tande nan moman gen anpil ensètitid pa rapò ak 2 gwo lagè epi prezidan-eli Etazini Donald Trump.
Prezidan Brezilyen an, Luiz Inacio Lula da Silva akeyi lidè etranje yo nan mize d ar Rio de Janeira a Lendi kote li pwononse yon diskou d akèy ki te santre sou konbat ensekirite alimantè.
Tansyon global ki ogmante yo epitou entètitid sou administrasyon Trump la ki pral monte sou pouvwa an 2025 te lakoz anpil moun pat atann yo dèske lidè yo pral pibliye yon deklarasyon ki gen pawol sevè sou konfli nan Mwayèn Oryan an epi Lari ak Ikrèn. Negosyatè ajanten yo defye kèk segman deklarasyon konjwen an paske yo di yo pa renmen langaj la.
