Nan yon videyo ki pibliye sou rezo sosyal yo, nou kapab remake chantè « Kle kou » a ki mande piblik la pou akonpanye l nan kri sa a l ap lanse pou peyi a.
« M vle pase yon ti mesaj nan non tout Ayisyen ki la.
Mezanmi nou bezwen rete solidè, nou bezwen kòmanse swiv deviz nou genyen an ki se ‘’L’union fait la force’’… N ap kanpe sou 3 n ap kriye, sou 3 n ap rele : bay Ayiti yon chans ».
Aprè prestasyon l lan, Kenny Haiti te kontinye eksprime lapèn li sou konsekans ak enpak ensekirite a sou lavi popilasyon an, nan kèk pibliksayon sou kont X li @KennyHaiti.
« Bagay sa yo k ap pase la yo fè m mal anpil anpil anpil.
Kisa leta pral fè ak moun sa yo.
Gen granmoun ki nan 60 a 70 lane ki nan lari kip a konn si pou yo moute ni desann, jèn fi, jèn gason, ti moun piti.
Mezanmi konbyen fwa pou nou kriye pou yo tande nou ? », deklarasyon atis la ki soti premye albòm solo l, « Time to shine », nan mwa septanm 2024 la.