Nan yon rapò li pibliye sou rezo yo, GARR siyale Repiblik Domininikèn pimpe Ayiti 33,937 Ayisyen (27,336 rapatriye; 6601 refoule) pandan mwa oktòb la, ladan yo 71 fanm ansent.
Apre prezidan dominiken an, Luis Abinader, fin anonse (2 oktòb) yon plan pou depòte 10,000 Ayisyen chak semèn, otorite nan Repiblik Domininikèn te tanmen yon operasyon gason pa kanpe plizyè kote sou teritwa yo pou arete migran ki san papye yo.
Yon lòt bò, 16,306 migran ayisyen, ki t ap viv Repiblik Domininikèn mare pakèt yo san bri san kont epi retounen nan peyi yo.
Antou, Sendomeng voye 50,243 migran ayisyen tounen nan peyi a.
Migran yo rive prensipalman nan 4 vil: Wanament, Malpas, Ansapit ak Beladè.
GARR pwofite denonse move kondisyon Sendomeng trete migran ayisyen yo.
GARR fè konnen " kondisyon detansyon migran ayisyen yo inimen"
Selon gwoup k ap defann dwa migran yo, otorite nan Sendomeng lote migran ayisyen yo tankou patat. Yo pa yo manje, ni bwè pandan plizyè jou.
Anplis de sa, si migran yo ta pwoteste, otorite yo bat yo. Nan kèk ka, chèf yo ba yo chòk elektrik.
Pou fini, GARR lanse yon apèl bay leta ayisyen pou tabli sekirite nan peyi a nan lide pou ayisyen sispann kouri kite peyi a.
