Daprè responsab yo se dènye evenman ki lye ak ensekire nan peyi dAyiti k alabaz desizyon sa a.
« Lakoz sitiyasyon vyolans yo ann Ayiti ki vin pi grav, n oblije sispann vòl nou yo sou Pòtoprens jiskaske sitiyasyon sekirite a favorab pou manm ekipaj nou yo ak kliyantèl nou an.
Nan sans sa a, vòl yo anile jiska 15 janvye 2025 », se sa konpayi a ekri nan yon nòt sou sit entènèt yo a, vandredi 15 novanm 2024.
Bal te rive touche yon avyon Spirit ki te gen pou ateri nan ayopò Tousen Louvèti nan Pòtoprens jou ki te lendi 11 novanm 2024 la.
Avyon sa a t oblije pran direksyon Sendomeng. Yon manm nan ekipaj la te blese.
Sitiyasyon sa a ta pral lakoz èpòt entènasyonal Tousen Louvèti a fèmen. Li lakoz tou kèk lòt konpayi avyon tankou American Airlines sispann vòl li yo sou Ayiti jiska 12 fevriye 2025.
Jet Blue li menm kanpe vòl li yo jiska 2 desanm.