Lapolis nan depatman Nò mete anba kòd, weekend ki sot pase a, yon polisye ajan 2 ki ta gen men l tranpe nan trafik dwòg.
Stanley Étienne ki soti nan 28èm pwomosyon, jwenn arestasyon l apre polis nasyonal Ayiti te fouke yon sèten Clive MCCOY CAMERON 11 novanm ki sot pase la.
Selon PNH, Clive MCCOY CAMERON ki se yon trafikan dwòg, trafikan zam ak katouch, denonse ajan Stanley ÉTIENNE, kòmkwa polisye a mare kòkòday ak li.
Trafikan dwòg la deklare, li konn grese pat polisye Étienne pou l nan lide pou l akonpli "zak kriminèl" li yo.
Pou kounya, ni polisye a ni trafikan an nan men lapolis anatandan aksyon legal ki nesesè nan ka yo