Desizyon pou chwazi yon nouvo premye minis pou dirije peyi a "mete an peril netralite tranzisyon an", selon avoka André Michel.
Pou avoka a, chwa nouvo premye minis lan ki fèt san pat gen yon chita pale ak sektè estratejik nan sosyete a pa konfòm ni ak lèt konsansis Jamayik 11 mas 2024 la, ni ak akò 3 avril la.
André Michel kalifye nominasyon Alix Didier Fils-Aimé nan tèt primati a de "yon kout fòs" konsèy prezidansyèl la.
Pi lwen, militan politik la lanse yon apèl pou mande tout moun pou ini yo nan lide pou "redrese sitiyasyon an"
Avoka a pwofite raple gen 3 manm konsèy prezidansyèl la ki gen enplike nan koripsyon, dapre ULCC.
André Michel deklare: "nou p ap ka reyisi tranzisyon an ak konseye prezidansyèl ki enkilpe nan kabinè enstriksyon"