Jodia se jou eleksyon Ozetazini. Ane sa a, elektè toupatou nan peyi a pral chwazi moun yo vle voye nan Lamezonblanch pou pwochen 4 an yo. Yo pral deside tou kiyès ki pou okipe 34 syèj nan sena Etazini an, tou le 435 syèj nan Chanj Depite a, 13 gouvènè ak plizyè lòt pòs eli.
Premye Biwo Vòt yo Femen a 6pm
Premye biwo vòt ki femen yo sitye nan kèk rejyon eta Indiana ak Kentucky. Yo fèmen a 6 zè, lè Washington. Biwo elektoral nan kèk pati 2 eta sa yo kote se lè zon santral ki an aplikasyon pral rete ouvè yomenm pou jous 7 hè lè Washington.
A 8hè, lè Washington, tout biwo vòt yo pral fèmen nan mwatye eta Ameriken yo: Alabama, Connecticut, Delaware, Florid, Joji, Endyana, Ilinwa, Kentucky, Maine, Maryland, Massachusetts, Mississippi, Missouri, New Hampshire, New Jèrze, Kawolin di Nò, Ohio, Oklahoma, Pènsilvani, Rhode Island, Kawolin di Sid, Tennessee, Vermont, Vijini ak Wès Vijini.
Biwo vot yo pral rete ouvè pi ta nan Alaska - kote yo va fèmen a 1hè di maten, lè Washington.
Apati Madi, Associated Press ki trake moun kap vote toupatou Ozetazini fè konnen gen plis pase 82 milyon moun ki depoze bilten yo bonè anvan jounen eleksyon an. Chif sa a yon ti kras plis pase mwatye total kantite moun ki te vote nan eleksyon prezidansyèl la, sa gen 4 an desa.
Kanmenm, rezilta nan anpil eta sa yo pral pran plizyè hè d tan, pou n pa di jou pou yo anonse yo ofisyèlman.
Ekspè yo atann yo aske se rezilta nan kèk eta "chan d batay" ki va deside kiyès kap ranpòte la viktwa.
Jounalis VOA Liam Scott ekri vesyon orijinal repotaj sa a