Dapre sa Pwogram Nasyonzini pou Devlopman, (PNUD), fè konnen sou rezo X (Twitter) plis pase 300,000 timoun an Ayiti paka pran chimen lekòl akoz vyolans ki blayi nan peyi a.
Anplis de sa, ajans Nasyonzini an souliye pou l di, gen nan timoun sa yo ki antre nan gang yo.
Yon sitiyason ki tris pou Ayiti ki kontinye ap sibi atak gang yo ki kontwole 85% nan zòn metwopolitèn Pòtoprens la, selon yon dènye rapò Nasyonzini pibliye.
Nan yon mesaj sansibilizasyon plizyè atis ayisyen, ladan yo atis Belo, mande pou pwoteje timoun yo, ki se avni peyi a.
Atis la raple "Plas timoun se lekòl" li ye ak lakay paran yo.
Malerezman Belo di l konstate, timoun yo tounen "espektatè" zak vyolans yo, "viktim" e pafwa "aktè" zak briganday yo. Sa ki retire "inosans timoun yo"
Chantè lakou trankil la mande sosyete a pou pwoteje timoun yo pou asire avni yo ak avni peyi a.